Դեկտեմբերի կեսերին Լեռնային Ղարաբաղ է այցելել տասնգհինգ հազարերորդ զբոսաշրջիկը՝ 2012 թվականի սկզբից հաշված։ Պարզվել է, որ նա Ավստրալիայի քաղաքացի է: Հանրապետության ԱԳՆ-ի տվյալներով՝ օտարերկրացի զբոսաշրջիկների թիվը ընթացիկ տարվա հունվարից նոյեմբեր ամիսներին աճել է 33%-ով՝ համեմատած անցած տարվա նույն ժամանակաշրջանի հետ։ Լեռնային Ղարաբաղը վաղուց գրանցում է զբոսաշրջային հոսքի աճ (2008 թվականին այն կազմել է 15%)։ ճանապարհորդության համար լավագույն շրջանը այստեղ մայիսից հոկտեմբեր ամիսներն են։ Իսկ ամենաայցելվող վայրերը պատմական և ճարտարապետական հուշարձանները և վանական համալիրները՝ Ամարաս (IV-XIX դար),Դադիվանք (Խութավանք, IV-XIIIդար), Գանձասար (XIIIդար), ինչպես նաև՝ Ազոխի քարանձավ՝ հնագույն մշակույթի հետքերով։
Բացի այդ, երկիրը գրավում է զբոսաշրջիկներին գեղեցիկ բնապատկերներով։ Տարիներ շարունակ Ադրբեջանի հետ ունեցած հակամարտությունից հետո Լեռնային Ղարաբաղի Հանրապետությունը (Արցախը), ըստ էության, հասավ անկախության և ունի իր կառավարությունը, բանակը և օտարերկրացիների մուտքի ու ելքի կանոնները։ Միակ ճանապարհը դեպի ԼՂՀ անցնում է Հայաստանով։ Օտարերկրյա քաղաքացիների մուտքը իրականացվում է միջազգային անձնագրով կամ դրան փոխարինող այլ փաստաթղթով։ Ռուսաստանի քաղաքացիներին վիզա հարկավոր չէ, բոլոր անհրաժեշտ փաստաթղթերը ձևակերպվում են հենց մուտքի պահին։ Միակ խնդիրը հետագայում Ադրբեջան այցելելն է։
Նյութը՝ Travel.ru-ի
Թարգմանությունը՝ Travelnews.am-ի, լուսանկարը՝ Ռասսել Փոլարդ: