Բուքինգեմյան պալատը բացել են հանրության առջև

Ամեն տարի հուլիսի վերջին Մեծ Բրիտանիայի թագուհի Ելիզավետա  II-ը լքում է իր լոնդոնյան նստավայրը և մեկնում հանգստի Շոտլանդիա։ Հենց այդ ժամանակ պալատը բացում է իր դռները այցելուների առջև և առաջարկում թեմատիկ ցուցահանդեսներ։

Այս տարի ցուցահանդեսը նվիրված է թագուհու որդու՝ Ուելսի արքայազն  Չարլզի առաջիկա  70-ամյակին, հայտնում է  BBC-ն։ Շեղվելով ավանդական ձևաչափից՝ արքայազնը անձամբ է կազմակերպել ցուցահանդեսը այնպես, որ զբոսաշրջիկները իրենց զգան իր մոտ  հյուր։ Ցուցանմուշների թվում են Չարլզի անձնական իրերը, այդ թվում՝ նրա նկարած ջրանկարները, նրա սիրելի գրքերը, թագավորական հավաքածուից նկարներ, ընտանեկան լուսանկարներ և այլ մանրուքներ։ 

Հետաքրքիր է, որ ցուցանմուշները չունեն նկարագրություն, դրանց կարելի է ծանոթանալ աուդիոգիդի օգնությամբ, որը արքայազնը անձամբ է ձայնագրել  և ներկայացրել այդ իրերի մասին համառոտ պատմություններ։ 

Բացի այդ, Բուքինգեմյան պալատում ցուցահանդեսի համար տեղադրվել է Քլարենս հաուսի՝ արքայազն Չարլզի լոնդոնյան անձնական նստավայրի  հյուրասենյակի կահույքը։