Հանգստի սեզոնը արդեն սկսվել է, աշխարհի լավագույն առողջարանները սպասում են ամենաքմահաճ և պահանջկոտ զբոսաշրջիկներին, ովքեր չեն խնայում բարձրակարգ հանգստի համար: Նրանց համար, ովքեր պատրաստվում են առավելագույնս հարմարավետ անցկացնել իրենց հանգիստը, մենք կներկայացնենք աշխարհի ամենաթանկարժեք և շքեղ հյուրանոցային համարների տասնյակը:
1.Արքայական համար President Wilson հյուրանոցում (Ժնև, Շվեյցարիա):
Համարները զբաղեցնում են ամբողջ հարկը, իսկ դեպի արքայական համար տանում է մասնավոր վերելակը: Չորս ննջասենյակների պատուհաններից բացվում է տեսարան դեպի ժնևյան լիճ: Գրասենյակում` սեղանի շուրջ, կարող են հավաքվել մինչև 20 մարդ, իսկ հյուրասենյակում կարելի է ընթրել 40 հյուրերի ընկերակցությամբ: Համարը համարվում է կատարյալ անվտանգության տեսանկյունից. բոլոր պատուհանները զրահամեկուսիչ են:
Գինը`33 000 ԱՄՆ դոլար մեկ գիշերվա համար:
2. Արքայական համար Grand Resort Lagonissi հյուրանոցում (Աթենք, Հունաստան):
Հունական հյուրանոցը առաջարկում է
VIP-հյուրերին իջևանել երկուսենյականոց շքեզ ամառանոցներում: Այստեղ կա ջեռուցվող լողավազան և մերսման սենյակ: Բայց գլխավոր առավելությունները ծովին մոտ լինելն ու մասնավոր նավամատույցն են: Սպասարկող անձնակազմի համար գործում է առանձին մուտք: Խոհարարները և մատուցողները կարող են մուտք գործել խոհանոց, որպեսզի պատրաստեն ուտեստներ և անսպասելիորեն անհետանան:
Գինը`25. 600 ԱՄՆ դոլար մեկ գիշերվա համար:
3.”Կամուրջ”` Atlantis հյուրանոցում (Բահամյան կղզիներ):
Տասըսենյականոց շքեզ համարները տեղակայված են կամրջին, որը միացնում է երկու բարձրահարկ երկնաքեր հյուրանոցները: Համարները սպասարկվում են մասնավոր սպասավորների կողմից, ունեն բար, խոհանոց և զվարճանքի կենտրոն: Այստեղ իջևանել են Մայքլ Ջեքսոնը և հեռուստահաղորդավար Օփրա Ուինֆրին:
Գինը` 25 000 ԱՄՆ դոլար մեկ գիշերվա համար:
4.Նախագահական համար Martinez հյուրանոցում (Կանն, Ֆրանսիա):
Հյուրանոցի տերերը հավաստիացնում են, որ դա ամենահրաշալի վայրն է ողջ Եվրոպայում: 200-մետրանոց կտուրը տարածվում է Կաննի փիրուզագույն ծովածոցի վրա: Համարները ձևակերպված են art-deco ոճով: Համարը ներառում է երկու ննջասենյակ, խոհանոց, շոգեբաղնիք, թուրքական բաղնիք և հիասքանչ տեսարան յուրաքանչյուր պատուհանից:
Գինը` 21 500 ԱՄՆ դոլար մեկ գիշերվա համար:
5.Նախագահական լյուքս Elounda հյուրանոցում (Կրետե, Հունաստան):
Դա հյուրանոցային համալիրում մի առանձին ամբողջական հյուրանոց է
1100 քառ. մետր տարածքով: Համարը լողավազանով է և նիստերի դահլիճով` տեղակայված կառույցի կտուրին: Որպես հաճելի լրացում` փոքրիկ պարտեզ ծաղկած կիտրոնի և նարինջի ծառերով:
Գինը` 19 000 ԱՄՆ դոլար մեկ գիշերվա համար:
6.Նախագահական լյուքս Cala di Volpe հյուրանոցում (Սարդինիա, Իտալիա):
Հյուրանոցը կառուցվել է 1963 թվականին Ժակ Կուելլե ճարտարապետի կողմից Միջերկրական ծովի ձկնորսական գյուղի ոճով` թաքնված էվկալիպտի ծառերի ստվերում և ամբողջապես միաձուլված հիասքանչ լանդշաֆտին, և միանգամից արժանացել է համաշխարհային հայտնիների և թագավորական անձանց հավանությանը: Այն բազմիցս արժանացել է մրցանակների հյուրանոցային բիզնեսի ոլորտում: Էքսքլյուզիվ համարները, բաղկացած երեք ննջասենյակից, երեք լոգասենյակից և նիստերի սրահից, զարդարված են ձեռակերտ կահույքով: Ծովում լողալ հնարավոր է անգամ առանց հյուրանոցից դւրս գալու, քանի որ ընդարձակ պատշգամբում կա լողավազան` լի ծովային ջրով:
Գինը` 18 800 ԱՄՆ դոլար մեկ գիշերվա համար:
7.Նախագահական լյուքս Plaza հյուրանոցում (Նյու-Յորք, ԱՄՆ):
Դրանք ամենաթանկարժեք համարներն են ոչ մատչելի Նյու-Յորքում: Երկու հյուրասենյակը, հինգ ննջասենյակը, հինգ լոգասենյակը զբաղեցնում են հյուրանոցի ողջ 18-րդ հարկը: Գինու “նկուղում” հաշվվում է 2000 շիշ, իսկ դրանցից ամեն մեկի համար անհրաժեշտ է վճարել առանձին գումար:
Գինը` 15 000 ԱՄՆ դոլար մեկ գիշերվա համար:
8.Կալվածք MGM հյուրանոցում (Լաս-Վեգաս, ԱՄՆ):
Կալվածքում կա 15 ամառանոց, իսկ դրանցից ամենաթանկարժեքում` չորս ննջասենյակ, լողավազան և հսկայական այգի: Փոքրիկ պարտեզն ու անձնական սպասավորը ամբողջ շքեղության հաճելի լրացումն են:
Գինը` 15 000 ԱՄՆ դոլար մեկ գիշերվա համար:
9.”Կապլա” ամառանոց (Հռոմ, Իտալիա):
Ապրել այս համարներում, ասել է թե ապրել Վատիկանում:
Այստեղ միօրինակ և ձանձրալի առաստաղի փոխարեն նկարված երկնակամար է: Առանձնատան տարածքը 2000 քառ. մետր է` “կայսերական” լոգակոնք, տնային կինոթատրոն, անձնական վերելակ և մարզադահլիճ:
Գինը` 13 500 ԱՄՆ դոլար մեկ գիշերվա համար:
10.Լյուքս Muerice հյուրանոցում (Փարիզ, Ֆրանսիա):
Համարում` հսկայական նախասրահ` ոսկեգույն պատերով և տանիքով: Լոգասենյակին հաջորդում է մի պատուհան, որից բացվում է Փարիզի նրբագեղ համայնապատկերը: Հյուրանոցի ադմինիստրացիան հավաստիացնում է, որ այս վայրը պաշտել է Սալվադոր Դալին:
Գինը` 10 800 ԱՄՆ դոլար մեկ գիշերվա համար:
